Ry rahalahy sy anabavy TRB,

Toa ela tokoa izay tsy nitafana tamintsika izay, koa an-kafaliana indray no ahafahana miserasera aminareo rehetra amin’ny alalan’ity tranokala TRB ity.

Izao fotoana izao ihany koa no anararaotanay birao miarahaba ireo ankizy sy tanora TRB afa-panadinana rehetra. Isaorana mandrakariva ilay Nahary noho izany. Mino sy manantena izahay fa tsy hijanona hatreo ny ezaka efa nataonareo fa hitojo hatramin’ny farany mba ahafahanareo hamelomaso indray ity fikambanantsika ity.

Mbola manolotra etoana ihany koa ny fisaorana anareo rehetra na ny ao anatiny na ivelan’izany fikambanana izany ka mitondra fankeherezana, fanohanana ary torohevitra mahasoa entina indrindra hampandroso ity fikambanana ity.

Tsy mitsahatra izahy birao manentana hatrany antsika mianakavy, hanamafy orina ny FIHAVAVANANA, FIFANKATIAVANA ary ny FIRAISAN-KINA. Ireo teny telo ireo no entintsika mamaha ny olana rehetra sy hampiroboroboana ny fianakaviana. Hifanome tanana hatrany isika na amin’ny mora na amin’ny sarotra. Ifampitsinjo sy ifanohana ihany koa satria ilaintsika izany fifampitsinjovana sy fifanohanana izany indrindra amin’izao vanim-potoana iainantsika izao.

Izay sy izay ary ry izy mianakavy no tafa fohy tian-katao. Mamerina ny firariantsoa ho antsika rehetra. Homba antsika mandrakariva anie Andriamanitra!